სქოლიო

Კ

• კაგოლა ან კაჰოლა

  ბრძენი აშტავაკრას მამა.

• კათჰოპანიშადი

  ერთ-ერთი მთავარი უპანიშადი ლექსად, რომელიც წარმოადგენს დიალოგს მაძიებელ ნაჩიკეტასა და სიკვდილის ღმერთს, იამას შორის.

• კაია

  სხეული.

• კაივალია

  საბოლოო ემანსიპაცია.

• კაივალია-პადა

  პატანჯალის იოგა სუტრების მეოთხე და ბოლო ნაწილი, რომელიც ეხება აბსოლუციას (განთავისუფლებას).

• კაიიკა

  სხეულთან დაკავშირებული.

• კაილასა

  მთის მწვერვალი ჰიმალაიში, მიჩნეულია შივას სავანედ.

• კალა-ბჰაირავა

  შივას სახელი.

• კალიდასა

  სანსკრიტული ლიტერატურის ყველაზე ცნობილი დრამატურგი და პოეტი, რომლის ნაწარმოები „შაკუნტალა“ საყოველთაოდ არის აღიარებული.

• კამა

  სურვილი, ვნება. ვნების ღმერთის სახელი.

• კამა-დჰენუ

  ზეციური ძროხა, რომელიც ასრულებს ყველა სურვილს.

• კამა-რუპა

  გენიტალიების ადგილი, რომელსაც სახელი ეწოდა ვნების ღმერთის, კამას მიხედვით.

• კანდა

  ბოლქვიანი ფესვი, კვანძი. დაახლოებით ოთხი ინჩის ზომის მრგვალი ფორმის კვანძი, რომელიც მდებარეობს ანუსიდან 12 ინჩით მაღლა და ჭიპთან ახლოს, სადაც სამი მთავარი ნადი — სუშუმნა, იდა და პინგალა — ერთიანდება და განცალკევდება. ის დაფარულია თითქოს რბილი თეთრი ქსოვილით.

• კანიაკუბჯა

  უძველესი ქალაქი და ქვეყანა განგის შენაკადზე, რომელსაც ახლა კანოჯა ეწოდება.

• კაპალაბჰატი

  (კაპალა = თავის ქალა; ბჰატი = სინათლე, ბრწყინვალება). სინუსების გასუფთავების პროცესი.

• კაპილა

  ბრძენი, ინდუისტური ფილოსოფიის ექვსი ორთოდოქსული სისტემიდან ერთ-ერთის, სანქჰიას სისტემის ფუძემდებელი.

• კაპინჯალა

  ფრინველი ჩატიაკა, რომელიც თქმულების მიხედვით მხოლოდ წვიმის წვეთებს სვამს.

• კაპოტა

  მტრედი.

• კარმა

  მოქმედება.

• კარმა-იოგა

  უზენაეს უნივერსალურ სულთან ერთიანობის მიღწევა მოქმედების მეშვეობით.

• კარმა-მარგა

  აქტიური ადამიანის რეალიზაციის გზა მოქმედების მეშვეობით.

• კარმენდრია

  გამოყოფის, რეპროდუქციის ორგანოები, ხელები, ფეხები და მეტყველება.

• კარნა

  ყური, ასევე ერთ-ერთი გმირი მაჰაბჰარატაში.

• კარნა-პიდა

  ზეწოლა ყურის გარშემო.

• კარტიკეია

  ომის ღმერთი, ასევე ცნობილი როგორც კუმარა, შანმუხა და სკანდა. ის არის შივას ვაჟი. ამბავს მისი დაბადების შესახებ ჰყვება კალიდასა თავის ეპოსში „კუმარა-სამბჰავა“. მას ზრდიდნენ კრიტიკები, პლეიადები. ექვსივე აწოვებდა ძუძუს (სან — ექვსი, მუკჰა — პირი ან სახე).

• კარუნა

  თანაგრძნობა, სიბრალული, სინაზე. ის ასევე გულისხმობს ერთგულ მოქმედებას ტანჯულთა ტკივილის შესამსუბუქებლად.

• კაუნდინია

  ბრძენი.

• კაურავები

  კურუს შთამომავლები, რომლებიც ებრძოდნენ თავიანთ ბიძაშვილებს, პანდავებს მაჰაბჰარატას ძმათამკვლელ ომში.

• კაშიაპა

  ბრძენი, ადიტისა და დიტის ქმარი. ცოცხალ არსებათა ერთ-ერთი მბრძანებელი ან წინაპარი.

• კევალა

  მთლიანი, სრული, აბსოლუტური, სრულყოფილი, სუფთა.

• კევალა კუმბჰაკა

  როდესაც კუმბჰაკას (სუნთქვის პროცესების) პრაქტიკა იმდენად სრულყოფილი ხდება, რომ ინსტინქტურია, მას კევალა კუმბჰაკა ეწოდება.

• კლეშა

  ტკივილი, წუხილი, ტანჯვა.

• კონა

  არწივი (ტექსტის მიხედვით).

• კრაუნჩა

  ყანჩის მსგავსი ფრინველი, მთის სახელი.

• კრია

  გამოსასყიდი რიტუალი, გამწმენდი პროცესი.

• კრიკარა

  ერთ-ერთი დამხმარე სასიცოცხლო ჰაერი, რომლის ფუნქციაა ხელი შეუშალოს ნივთიერებების მოხვედრას ცხვირის სასუნთქ გზებსა და ყელში ცემინებისა და ხველის გამოწვევით.

• კრიტა იუგა

  ადამიანთა სამყაროს ოთხი ეპოქიდან პირველის სახელი.

• კრიშნა

  ყველაზე ცნობილი გმირი ინდუისტურ მითოლოგიაში. ვიშნუს მერვე განსახიერება.

• კუკუტა

  მამალი.

• კუმარა-სამბჰავა

  იხილეთ კარტიკეია.

• კუმბჰა

  წყლის ჭურჭელი, დოქი, თასი.

• კუმბჰაკა

  დროის ინტერვალი ან სუნთქვის შეკავება სრული ჩასუნთქვის ან სრული ამოსუნთქვის შემდეგ.

• კუნდალინი

  ღვთაებრივი კოსმიური ენერგია (kundala = თოკის ხვეული; Kundalini = დახვეული მდედრი გველი). ეს ძალა სიმბოლიზებულია, როგორც დახვეული და მძინარე გველი, რომელიც განისვენებს ყველაზე დაბალ ნერვულ ცენტრში, ხერხემლის ძირში მულადჰარა-ჩაკრაში, ეს ფარული ენერგია უნდა გამოფხიზლდეს და აყვეს მთავარ სპინალურ არხში (სუშუმნაში), გაიაროს ჩაკრები და მიაღწიოს საჰასრარას, ათას-ფურცლიან ლოტოსს თავში. ამ დროს იოგი ერთიანდება უზენაეს უნივერსალურ სულთან.

• კურმა

  კუ. ასევე ერთ-ერთი დამხმარე სასიცოცხლო ჰაერი, რომლის ფუნქციაა თვალის ქუთუთოების მოძრაობის კონტროლი, რათა თავიდან აიცილოს თვალში უცხო სხეულის ან ზედმეტად კაშკაშა სინათლის მოხვედრა.