მოგვწერეთ
ხშირად დასმული კითხვები
დღის რომელი მონაკვეთია საუკეთესო ვარჯიშისთვის?
საუკეთესო დროა დილას 06:00 დან 09:00 მდე და საღამოს 18:00 დან 21:00 მდე. თუ ამ დროს ვერ ახერხებთ ვარჯიშს, შეარჩიეთ ისეთი დრო, როცა ყველაზე ნაკლებად ჩქარობთ.
რა დამჭირდება ვარჯიშის დასაწყებად?
თქვენ დაგჭირდებათ: იოგას ხალიჩა და კომფორტული ტანსაცმელი. წყალი — მხოლოდ სურვილისამებრ
მჭირდება თუ არა მოქნილობა იოგას დასაწყებად?
არა. იოგას ვარჯიშის დაწყება შეუძლია ნებისმიერ ადამიანს, ნებისმიერი ფიზიკური მონაცემით.
შემიძლია თუ არა იოგას ვარჯიში, თუ საერთოდ არ შემიძლია ხელებით იატაკს მივწვდე?
რა თქმა უნდა! როგორც ზემოთ აღვნისნეთ, იოგა სწორედ იმიტომ არსებობს, რომ დაგეხმაროთ მოქნილობის გაუმჯობესებაში. ბევრი დამწყები იწყებს ზუსტად ამ ნიშნულიდან.
რა ასაკიდან რა ასაკამდე შეიძლება იოგას ვარჯიში?
იოგას ვარჯიშის დაწყება უკვე 11 წლიდან შეიძლება. ზედა ზღვარი იოგას არ გააჩნია.
იოგას მარტო ქალები ვარჯიშობენ?
არა. იყო პერიოდი, როდესაც ქალებს საერთოდ ეკრძალებოდათ იოგას ვარჯიში და ის მხოლოდ კაცების „პრაქტიკად“ ითვლებოდა.
აუცილებელია საკუთარი ხალიჩის (მატის) ქონა?
სტუდიების უმეტესობას აქვს საერთო ხალიჩები, თუმცა პირადი ჰიგიენისა და კომფორტისთვის, გრძელვადიან პერსპექტივაში, საკუთარი ხალიჩის ქონა საუკეთესო გადაწყვეტილებაა.
ონლაინ ვარჯიში ჯობია თუ დარბაზში?
თუ ვარჯიში ინდივიდუალურია, მაშინ მნიშვნელობა არ აქვს ონლაინ იქნება თუ დარბაზში. თუ ვარჯიში ჯგუფურია, მაშინ დამწყებთათვის დარბაზი ჯობია, რადგან ინსტრუქტორი პირადად გაასწორებს თქვენს პოზებს (ასანებს), რაც ტრავმების პრევენციისთვის მნიშვნელოვანია. ონლაინ ვარჯიში კარგია დროის დაზოგვისთვის.
შეიძლება თუ არა ჭამა ვარჯიშის წინ ან მის შემდეგ?
სასურველია იოგამდე 2-3 საათი არ მიიღოთ მძიმე საკვები. თუ ძალიან გშიათ, მსუბუქი წასახემსებელი (მაგალითად, ბანანი ან იოგურტი) ვარჯიშამდე 1 საათით ადრე დასაშვებია. ვარჯიშიდან 15 წუთის გასვლის შემდეგ შეგიძლიათ მსუბუქად მიირთვათ.
ვარჯიშის დროს წყლის სმა შეიძლება?
წყლის დალევა ვარჯიშამდე 30 წუთით ადრე ჯობია. თუ წყლის გარეშე გიძნელდებათ ვარჯიში, შეგიძლიათ ცოტ-ცოტა, ყლუპ-ყლუპად სვათ მთელი ვარჯიშის განმავლობაში.
კვების შეცვლა აუცილებელია ვარჯიშის დასაწყებად?
არა. შეგიძლიათ იკვებოთ ისე, როგორც იკვებებით.
მოწევის/სმის თავის დანებება აუცილებელია იოგას დაწყებისას?
არა. ზოგადად კარგი იქნებოდა ჯანმრთელობისთვის, მაგრამ იოგასთვის სავალდებულო არაა.
ეხმარება თუ არა იოგა გახდომაში?
დიახ, განსაკუთრებით მაშინ, თუ კვებითაც შეუწყობთ ხელს. ის ასევე აუმჯობესებს ნივთიერებათა ცვლას.
მაქვს ჭარბი წონა. ჯერ დავიკლო წონაში და მერე მოვიდე სავარჯიშოდ?
არა. ჯობია ივარჯიშოთ და თან დაიკლოთ წონაში, რადგან თქვენმა სხეულმა არ დაკარგოს ფორმა.
რამდენი ხანი სჭირდება პირველი შედეგის დანახვას?
მენტალურ სიმშვიდესა და ენერგიის მატებას პირველივე ვარჯიშის შემდეგ იგრძნობთ. ფიზიკური ცვლილებები (მოქნილობა, ტონუსი) ჩვეულებრივ 4-6 კვირიანი რეგულარული პრაქტიკის შემდეგ ხდება შესამჩნევი.
მაწუხებს ზურგის/წელის/კისრის (და ა.შ) ტკივილი. დაველოდო, რომ გაიაროს და მერე მოვიდე სავარჯიშოდ?
არა. პირდაპირ შეგიძლიათ დაიწყოთ. იოგას ვარჯიშები, თუ სწორად არის შერჩეული და მიწოდებული, მოგიხსნით ტკივილებს და აღმოფხვრის ტკივილის გამომწვევ მიზეზს.
მაქვს ხერხემლის გამრუდება. შეიძლება ჩემთვის იოგას ვარჯიში?
დიახ შეიძლება და აუცილებელიცაა. იოგას ვარჯიშები, თუ სწორად არის შერჩეული, ხელს უწყობს ხერხემლის გამრუდების გასწორებას.
რა ვქნა, თუ ვარჯიშისას თავბრუ მეხვევა ან რამე მტკივა?
გაჩერდით და ამის შესახებ შეატყობინეთ ინსტრუქტორს.
რა ხდება იმ შემთხვევაში, თუ რომელიმე პოზას საერთოდ ვერ ვაკეთებ?
ნუ ინერვიულებთ. იოგაში თითქმის ყველა პოზას აქვს “მოდიფიკაცია” (გამარტივებული ვერსია). ჩვენი ინსტრუქტორები გაგიმარტივებენ და თქვენზე მოარგებენ ნებისმიერ ესეთ პოზას.
შემიძლია თუ არა ვარჯიში მაღალი/დაბალი არტერიული წნევის დროს?
შესაძლებელია, თუმცა ინსტრუქტორმა უნდა იცოდეს ამის შესახებ, რათა ამოიღოს ან შეცვალოს პოზები.
რამდენად ხშირად უნდა ვივარჯიშო?
თუ ჯანმრთელი ხართ კვირაში 3 ჯერ ვარჯიში საკმარისია.
სერიოზული გამრუდების, თიაქარის, პროტრუზიის და ხერხემლის დისკის სხვა დეგენერაციული პროცესების დროს უმჯობესია ყოველდღიური ვარჯიში.
ამბობენ, რომ იოგას ვარჯიშები სხეულის ფორმას ცვლის. ასეა?
დიახ იოგას ვარჯიში თან წელავს და თან ამაგრებს კუნთებს, რის შედეგადაც კუნთი ვიზუალურად უფრო ლამაზ ფორმას იღებს.
გამიგია, რომ იოგა უბრალო ვარჯიში არაა და თავისი ფილოსოფიის შესწავლასაც მოიაზრებს.
იოგას რა თქმა უნდა თავისი ფილოსოფიური ნაწილი აქვს, მაგრამ მისი შესწავლა არ არის სავალდებულო და არ აქვს კავშირი ფიზიკურ ვარჯიშთან.
გამიგია, რომ იოგა რელიგიაა და ქრისტიანობასთან მოდის წინააღმდეგობაში.
იოგა რელიგია არ არის. იოგა ფიზიკური, მენტალური და სუნთქვითი ვარჯიშებია. იგი მთლიანად არის თავისუფალი რელიგიისგან. ხალხი მას ხშირად ურევს ინდუიზმსა და ბუდიზმში, იმის გამო, რომ ინდური რელიგიების უმრავლესობა იყენებს იოგას ტექნიკებს.
მედიტაციებს თუ ასწავლით?
მედიტაცია არ ისწავლება. მედიტაცია თავისით მოდის ხანგრძლივი ვარჯიშის, კონცენტრაციის და თვითდაკვირვების შედეგად. თუ ვინმე გპირდებათ, რომ მედიტაციას გასწავლით ესე იგი გატყუებთ.
რა ვქნა, თუ ვარჯიშის დროს ფიქრებს თავს ვერ ვარიდებ?
ეს სრულიად ნორმალურია. იოგას მიზანი ფიქრების “გათიშვა” კი არა, მათზე დაკვირვებაა. დროთა განმავლობაში, სუნთქვაზე და სხეულზე კონცენტრაციით, გონება თავისით დაწყნარდება.
ამბობენ, რომ იოგა ხსნის სტრესს და შფოთვებს. ასეა?
დიახ. იოგა ამცირებს კორტიზოლის (სტრესის ჰორმონის) დონეს. სუნთქვითი ვარჯიშები და სხეულის მოდუნება პირდაპირ მოქმედებს ნერვულ სისტემაზე, რაც გეხმარებათ შფოთვის დაძლევასა და ძილის გაუმჯობესებაში.
შესაძლებელია თუ არა იოგა ორსულობის დროს?
დიახ, არსებობს სპეციალური “პრენატალური იოგა”. თუმცა, ვარჯიშის დაწყებამდე აუცილებელია ექიმის კონსულტაცია და ინსტრუქტორის გაფრთხილება.
ორსულობის შემთხვევაში, როდის შეიძლება ვარჯიშის დაწყება?
პირველ ტრიმესტრში ვარჯიშის დაწყება არ არის რეკომენდებული. ხშირ შემთხვევაში, სპეციალისტები რეკომენდაციას უწევენ ვარჯიშის დაწყებას მეორე ტრიმესტრიდან (დაახლოებით მე-14 კვირიდან), როდესაც პირველი ტრიმესტრისთვის დამახასიათებელი ტოქსიკოზი და დაღლილობა კლებულობს და ნაყოფსაც არაფერი ემუქრება.
თუ ორსულობამდე უკვე ვვარჯიშობდი იოგას, შევწყვიტო ვარჯიში თუ გავაგრძელო?
თუ ორსულობამდე აქტიურად ვარჯიშობდით იოგას, მაშინ შეგიძლიათ ვარჯიში გააგრძელოთ, მაგრამ ამის შესახებ აუცილებლად უნდა გააფრთხილოთ თქვენი ექიმიც და ინსტრუქტორიც. ვარჯიში აუცილებლად გახდება შესაცვლელი.
არსებობს თუ არა შეზღუდვები კრიტიკულ დღეებში?
რეკომენდებულია თავი შეიკავოთ ვარჯისისგან, განსაკუთრებით — ინვერსიული (ამოტრიალებული) პოზებისგან და ინტენსიური დატვირთვისგან.
შესაძლებელია თუ არა ინდივიდუალური გაკვეთილის ჩატარება?
დიახ, ჩვენ საიტზე ინდივიდუალური გაკვეთილებისათვის გამოყოფილია სპეციალური გვერდი, სადაც შეძლებთ პერსონალური ინსტრუქტორის შერჩევას
რა არის ლუციდური/გაცნობიერებული სიზმარი?
ეს არის ძილის ისეთი მდგომარეობა, როდესაც ადამიანს გაცნობიერებული აქვს, რომ იმ მომენტში სიზმარს ხედავს. ამ დროს ტვინის ის ნაწილები აქტიურდება, რომლებიც პასუხისმგებელია ლოგიკასა და თვითშეგნებაზე, რაც საშუალებას გაძლევს იყოთ სიზმრის “რეჟისორი”.
რით განსხვავდება ლუციდური ჩვეულებრივი სიზმრისგან?
ჩვეულებრივ სიზმარში ჩვენ მოვლენების პასიური მონაწილეები ვართ და ყველაფერს რეალობად აღვიქვამთ. ლუციდურ სიზმარში კი ჩნდება “დამკვირვებლის” ეფექტი — შენ იცი, რომ სხეული საწოლშია, ხოლო გარემო შენი გონების პროდუქტია.
ყველას შეუძლია ლუციდური სიზმრის ნახვა?
დიახ, კვლევები აჩვენებს, რომ ადამიანების უმეტესობას ცხოვრებაში ერთხელ მაინც გამოუცდია ეს მდგომარეობა. სპეციალური ვარჯიშებით კი ნებისმიერს შეუძლია ამ გამოცდილების გახშირება.
როდის გვესიზმრება ლუციდური სიზმარი?
ლუციდური სიზმრები ძირითადად გვესიზმრება REM (თვალის სწრაფი მოძრაობის) ფაზაში, როდესაც ტვინის აქტივობა მაღალია.
შემიძლია თუ არა ლუციდური სიზმრის სრული კონტროლი?
ყოველთვის არა. ლუციდურობა ნიშნავს გაცნობიერებას, ხოლო კონტროლი ცალკე უნარია. თავიდან შეიძლება მხოლოდ აკვირდებოდე, მაგრამ პრაქტიკით შეძლებ გარემოს შეცვლას,
დამეხმარება თუ არა ეს კოშმარებთან ბრძოლაში?
დიახ, ეს ერთ-ერთი ყველაზე ეფექტური თერაპიული მეთოდია. როგორც კი აცნობიერებ, რომ “მონსტრი” სიზმარია, შიში ქრება. შენ შეგიძლიათ მას დაელაპარაკო ან უბრალოდ გააქრო ის.
შესაძლებელია თუ არა ლუციდურ სიზმარში რაიმე უნარის რეალურად შესწავლა?
კვლევების მიხედვით, ლუციდურ სიზმარში მოძრაობების რეპეტიცია (მაგალითად, კალათბურთის სროლა ან ინსტრუმენტზე დაკვრა) ააქტიურებს იმავე ნეირონულ კავშირებს, რასაც რეალური ვარჯიში. ეს ეხმარება “კუნთების მეხსიერებას”.
რატომ არის შეგრძნებები ასეთი რეალური ლუციდურ სიზმრებში?
ტვინი სიზმარში მიღებულ იმპულსებს თითქმის ისევე ამუშავებს, როგორც რეალურს. ამიტომ გემო, შეხება და სუნი შეიძლება საოცრად მკაფიო იყოს.
არის თუ არა ლუციდური სიზმარი საშიში?
ფიზიკურად — არა. ეს ბუნებრივი მდგომარეობაა. თუმცა, ადამიანებისთვის, რომლებსაც აქვთ სერიოზული ფსიქიკური დარღვევები (მაგალითად, შიზოფრენია), რეალობისა და სიზმრის აღრევის რისკის გამო, ეს პრაქტიკა რეკომენდებული არ არის.
შესაძლებელია თუ არა ლუციდურ სიზმარში "გაჭედვა"?
არა ეს მითია. შენი სხეული ადრე თუ გვიან აუცილებლად გაიღვიძებს ბიოლოგიური ციკლების გამო. ყველაზე “ცუდი”, რაც შეიძლება მოხდეს, არის ის, რომ სიზმარი ჩვეულებრივ ძილში გადაიზარდოს.
გავიღვიძებ თუ არა დაღლილი ლუციდური სიზმრის შემდეგ?
თუ მთელ ღამეს ლუციდურობის მცდელობაში არ გაატარებ და ძილის რეჟიმს არ დაარღვევ, ტვინი ისევე ისვენებს, როგორც ჩვეულებრივი ძილის დროს. პირიქით, ბევრი ადამიანი ლუციდური სიზმრის შემდეგ თავს ენერგიულად და ამაღლებულად გრძნობს.