ლუ­ცი­დუ­რი, იგი­ვე გაც­ნო­ბიე­რე­ბუ­ლი სიზ­მა­რი, სიზ­მრის ერთ-ერ­თი სა­ხეს­ხვა­ობაა. მი­სი გან­სა­კუთ­რე­ბუ­ლო­ბა იმა­ში მდგო­მა­რე­ობს, რომ სიზ­მარ­ში მყო­ფი ადა­მია­ნი აც­ნო­ბიე­რებს სად არის და სიზ­მრის მარ­თვაც შე­უძ­ლია. ამის მი­ხედ­ვით არ­სე­ბობს ნა­წი­ლობ­რი­ვი და სრუ­ლი გაც­ნო­ბიე­რე­ბა. შემ­თხვე­ვა­თა უმ­რავ­ლე­სო­ბა­ში, ლუ­ცი­დუ­რი სიზ­მა­რი დგე­ბა დი­ლით, ე.წ სწრა­ფი ძი­ლის ფა­ზა­ში, რო­მელ­საც ასე­ვე REM (rapid eye movement) ძი­ლის სა­ხე­ლი­თაა ცნო­ბი­ლი. ადა­მი­ან­თა დიდ ნა­წილს გა­მო­უც­დია ნა­წი­ლობ­რი­ვი გაც­ნო­ბიე­რე­ბა, ყო­ველ­გვა­რი პრაქ­ტი­კის გა­რე­შე, ზოგს -სრუ­ლიც.

არ­სე­ბობს მთე­ლი რი­გი ტექ­ნი­კე­ბი თუ რო­გორ უნ­და ვის­წავ­ლოთ სიზ­მარ­ში გაც­ნო­ბიე­რე­ბა და მე­რე ამ სიზ­მრის მარ­თვა. ამა­ზე მოგ­ვია­ნე­ბით მო­გით­ხრობთ.

თა­ვად გაც­ნოი­ერე­ბის­თვი­საც ორი გზა არსე­ბობს: შე­საძ­ლოა უკ­ვე სიზ­მარ­ში რა­ღა­ცამ მი­გა­ნიშ­ნოთ, რომ ეს ცხა­დი ვე­რა­ნაი­რად ვერ იქ­ნე­ბა  (უჩ­ვეუ­ლო სი­ტუ­აცია, გარ­დაც­ვლი­ლი ადა­მია­ნის ან რო­მელ­იმე მი­თიუ­რი პერ­სო­ნა­ჟის ნახ­ვა, ანი­მა­ცი­ურ სი­უჟეტ­ში მოხ­ვედ­რა და  ა.შ). ასეთ შემ­თხვე­ვა­ში ადა­მია­ნებს ხში­რად სა­კუ­თა­რი სხე­ულის აღ­ქმა და უცვ­ლე­ლად შე­ნარ­ჩუ­ნე­ბაც უჭი­რთ. გაც­ნო­ბიე­რე­ბაც წა­მიე­რია; რო­გორც კი ხვდე­ბით, რომ სიზ­მარ­ში ხართ გე­უფ­ლე­ბათ ძლი­ერი ემო­ცია – ში­ში ან სი­ხა­რუ­ლი და უეც­რად გეღ­ვი­ძე­ბათ, ან რო­გორც გა­მოც­დი­ლი სიზ­მა­რე­ბი* ამ­ბო­ბენ – სიზ­მრი­დან გაგ­დებთ.

მე­ორე შემ­თხვე­ვა­ში ადა­მია­ნი სპე­ცია­ლუ­რი ტექ­ნი­კე­ბით  წი­ნას­წარ ემ­ზა­დე­ბა და პირ­და­პირ ცხა­დი­დან გა­და­დის სიზ­მარ­ში, ამ­ჯე­რად უკ­ვე ცნო­ბიე­რად და მთელ პრო­ცესს აკ­ვირ­დე­ბა. ე.წ ამო­ვარ­დნა ან სიზ­მარ­სა და ცხადს შო­რის გამ­ყო­ფი ვე­ლის გათ­ხე­ლე­ბა აქაც ჩვე­ულებ­რივ და­მა­ხა­სია­თე­ბე­ლია. თუმ­ცა მარ­თვის შე­საძ­ლებ­ლო­ბა ამ გზით უფ­რო მე­ტია.

რა სა­ჭი­როა ლუ­ცი­დუ­რი სიზ­მა­რი? ეს და­ახ­ლოე­ბით ასე­თი კით­ხვაა – რა სა­ჭი­როა ენის ცოდ­ნა? ლუ­ცი­დუ­რი სიზ­მა­რი ჩვე­ნი ქვეც­ნო­ბიე­რის და ასე­ვე კო­ლექ­ტიუ­რი არაც­ნო­ბიე­რის სცე­ნაა. იქ შე­გიძ­ლი­ათ რე­ჟი­სო­რიც იყოთ, მსა­ხიო­ბიც და მა­ყუ­რე­ბე­ლიც.  შე­გიძ­ლი­ათ გა­ნი­ცა­დოთ ის, რაც ცხად­ში შე­უძ­ლე­ბე­ლია – იც­ხოვ­როთ წყალ­ქვეშ, უჰაე­რო სივ­რცე­ში, და­იშა­ლოთ რამ­დე­ნი­მე ადა­მია­ნად ან არ­სე­ბად, იფ­რი­ნოთ ან გა­ითა­მა­შოთ გარ­კვეუ­ლი სცე­ნე­ბი და მი­აგ­ნოთ თქვენ­თვის სა­ინ­ტე­რე­სო კით­ხვებ­ზე პა­სუ­ხებს, დაძ­ლი­ოთ ში­შე­ბი, გა­იგოთ თქვე­ნი ნამ­დვი­ლი სურ­ვი­ლე­ბი და ა.შ.

ლუ­ცი­დუ­რი სიზ­მრე­ბი არ არის რჩე­ულ­თა ხვედ­რი. თუ ადა­მი­ანს შე­უძ­ლია ილა­პა­რა­კოს რო­მე­ლი­მე ენა­ზე, მა­შინ სიზ­მარ­ში გაც­ნო­ბიე­რე­ბაც შე­უძ­ლია – უბ­რა­ლოდ ამის­თვის პრაქ­ტი­კაა  სა­ჭი­რო.

*სიზმარები – ადამიანები, რომლებიც აპრაქტიკებენ სიზმარხილვას