იოგა - აღმოაჩინე შინაგანი სიმშვიდე და ძალა
ოდესმე გიფიქრიათ, რა არის იოგა სინამდვილეში? ალბათ გინახავთ ადამიანები რთულ პოზებში ან მედიტაციის დროს და გაგჩენიათ კითხვა, რას აკეთებენ ისინი ან რის მიღწევას ცდილობენ ამით? ამ კითხვაზე პასუხის გაცემა მარტივი არ არის. იოგა ბევრად მეტია, ვიდრე უბრალოდ ფიზიკური ვარჯიშები. ის არის უძველესი პრაქტიკა, რომელიც აერთიანებს სხეულს, გონებას და ემოციას, რათა მივაღწიოთ ჰარმონიასა და კეთილდღეობას. თუ იოგას სამყაროსთან შეხება არასდროს გქონიათ, ეს სტატია თქვენთვისაა!
იოგა ათასობით წლის წინ ინდოეთში წარმოიშვა და თავდაპირველად სულიერი განვითარებისკენ იყო მიმართული. დროთა განმავლობაში ის განვითარდა და სახე იცვალა. დღესდღეობით მთელ მსოფლიოში მილიონობით ადამიანი იყენებს მას როგორც ფიზიკური, ისე მენტალური ჯანმრთელობის გასაუმჯობესებლად. ასევე არიან ადამიანები, რომლებმაც შემოინახეს იოგა თავისი თავდაპირველი სახით და ისევ ძველი დანიშნულებით იყენებენ.
იოგა – მეტი ვიდრე მხოლოდ ვარჯიში
ხშირად გვგონია, რომ იოგა მხოლოდ რთული გაჭიმვები და მოქნილობაა. სინამდვილეში, იოგა არის ჰოლისტური სისტემა, რომელიც რამდენიმე კომპონენტს მოიცავს:
- ასანები (პოზები):
ეს არის ფიზიკური ვარჯიშები, რომლებიც აძლიერებს კუნთებს, ზრდის მოქნილობას და აუმჯობესებს წონასწორობას. ისინი ასევე ხელს უწყობენ ენერგიის თავისუფალ მოძრაობას ორგანიზმში. - პრანაიამა (სუნთქვითი ვარჯიშები):
სწორი სუნთქვა იოგას ქვაკუთხედია. ის ამშვიდებს ნერვულ სისტემას, ზრდის კონცენტრაციას და ენერგიით ავსებს სხეულს. - მედიტაცია:
ეს არის გონების დამშვიდების პრაქტიკა, რომელიც გვეხმარება სტრესის შემცირებაში, შფოთვის მოხსნაში და შინაგანი სიმშვიდის მოპოვებაში. - იოგას ფილოსოფია და ეთიკური პრინციპები:
იოგა ასევე მოიცავს ცხოვრებისეულ პრინციპებს, რომლებიც ხელს უწყობს პოზიტიურ და ეთიკურ ცხოვრებას.
რატომ დავიწყო იოგა?
სარგებელი, რომელიც ყველა დამწყებს სჭირდება
იოგას რეგულარულ პრაქტიკას უამრავი სარგებელი მოაქვს თქვენი სხეულისა და გონებისთვის.
ფიზიკური სარგებელი:
- მოქნილობისა და ძალის გაზრდა:
იოგას პოზები თანდათანობით აგრძელებს და აძლიერებს კუნთებს. - წონასწორობის გაუმჯობესება:
ბევრი ასანა მიმართულია წონასწორობის განვითარებაზე, რაც ამცირებს დაცემის რისკს და აუმჯობესებს კოორდინაციას. - სწორი პოზა და ტკივილის შემცირება:
იოგა ამაგრებს ზურგის კუნთებს და აბრუნებს სხეულს სწორ პოზიციაში, რაც ხშირად ამსუბუქებს ზურგის, კისრისა და სახსრების ტკივილს. - სისხლის მიმოქცევის გაუმჯობესება:
პოზები და სუნთქვითი ვარჯიშები ხელს უწყობს სისხლისა და ჟანგბადის უკეთეს მიწოდებას ორგანიზმში.
მენტალური და ემოციური სარგებელი:
- დაიწყეთ დამწყებთა კლასებით:
ბევრ სტუდიაში არის სპეციალური კლასები დამწყებთათვის, სადაც ინსტრუქტორები დეტალურად ხსნიან თითოეულ პოზას. ონლაინაც უამრავი რესურსია. - მოუსმინეთ თქვენს სხეულს:
ეს ყველაზე მნიშვნელოვანი რჩევაა. ნუ ეცდებით რაიმე პოზის ძალით შესრულებას. ნუ იჩქარებთ. თუკი ტკივილს იგრძნობთ, შეჩერდით. იოგა არ არის შეჯიბრი! - იყავით მომთმენი:
შედეგები მაშინვე არ გამოჩნდება. ამას შეიძლება 1-2 თვე დასჭირდეს. იოგაში თანმიმდევრული პრაქტიკაა მთავარი. მიენდეთ პროცესს და შედეგებიც არ დააყოვნებს. ასევე დაიმახსოვრეთ, ნუ შეადარებთ საკუთარ თავს სხვებს. ჩვენ ყველას ძალიან განსხვავებული სხეულები გვაქვს. - აღჭურვილობა:
დასაწყისისთვის გჭირდებათ მხოლოდ იოგას ხალიჩა და კომფორტული ტანსაცმელი, რომელშიც თავისუფლად იმოძრავებთ.
იპოვეთ თქვენი სტილი
იოგას მრავალი სტილი არსებობს, თითოეული თავისი ტემპითა და აქცენტებით გამოირჩევა. დამწყებთათვის ზოგიერთი მათგანი განსაკუთრებით შესაფერისია:
- მაისორის სტილი (Mysore Style – აშტანგა იოგა):
ეს არის ტრადიციული გზა, რომლითაც აშტანგა იოგა ისწავლება. ის განსხვავდება ჩვეულებრივი გაკვეთილებისგან იმით, რომ არ არსებობს მასწავლებლის მიერ ნაკარნახევი გაკვეთილი. სტუდენტები ინდივიდუალურად, საკუთარი ტემპით ასრულებენ პოზების სერიას, ინსტრუქტორი კი ინდივიდუალურ მითითებებს აძლევს თითოეულს. ეს სტილი განსაკუთრებით შესაფერისია დამწყებთათვის, რადგან ის საშუალებას აძლევს მოსწავლეს, ნელ-ნელა აითვისოს პოზები და თანმიმდევრულად განავითაროს საკუთარი პრაქტიკა, ინსტრუქტორის მუდმივი მეთვალყურეობის ქვეშ. ის ხელს უწყობს დისციპლინას, თვითშეგნებას და სხეულის თანდათანობით განვითარებას. - ჰათჰა იოგა (Hatha Yoga):
ეს არის ერთ-ერთი ყველაზე ტრადიციული და ნელი ტემპის სტილი, რომელიც იდეალურია მათთვის, ვინც ახლა იწყებს. ჰათჰა იოგას გაკვეთილებზე პოზებში ხანგრძლივად რჩებით, რაც გაძლევთ დროს, რომ სწორად გაერკვეთ თითოეული ასანის შესრულების ტექნიკაში და გაიგოთ სუნთქვისა და მოძრაობის კავშირი. ის ფოკუსირებულია ფიზიკური პოზების (ასანები) და სუნთქვითი ვარჯიშების (პრანაიამა) საფუძვლების შესწავლაზე. - ვინიასა იოგა (Vinyasa Yoga):
თუ უფრო დინამიური პრაქტიკა გსურთ, ვინიასა იოგა შეიძლება იყოს თქვენთვის. ამ სტილში მოძრაობები შეუფერხებლად მიედინება ერთმანეთში სუნთქვასთან სინქრონში. არსებობს ვინიასას დამწყებთათვის განკუთვნილი ვერსიებიც, სადაც მოძრაობები უფრო ნელია და ინსტრუქტორი დეტალურ მითითებებს იძლევა. ის ხელს უწყობს როგორც ძალის, ისე მოქნილობის განვითარებას. - ინ იოგა (Yin Yoga):
ეს არის ნელი და მედიტაციური სტილი, სადაც პოზებში (ძირითადად მჯდომარე და მწოლიარე) 3-5 წუთის განმავლობაში რჩებით. ინ იოგა მიზნად ისახავს შემაერთებელი ქსოვილების (მყესები, იოგები, ფასცია) გაჭიმვას, რაც ზრდის სახსრების მოქნილობას და აუმჯობესებს ენერგიის ნაკადს ორგანიზმში. ის შესანიშნავია მათთვის, ვისაც სურს დამშვიდება, სტრესის მოხსნა და სხეულის ღრმა გაჭიმვა. - აღმდგენი იოგა (Restorative Yoga):
თუ სრულიად დამწყები ხართ და გსურთ სტრესის მოხსნა და ღრმა რელაქსაცია, აღმდგენი იოგა იდეალურია. აქ გამოიყენება დამხმარე საშუალებები, როგორიცაა საბნები, ბალიშები და ბლოკები, რათა სხეული სრულად მოდუნდეს და პოზებში სრული კომფორტით დარჩეს ხანგრძლივი დროის განმავლობაში. ინ იოგა არ არის ფიზიკურად მომთხოვნი და მიზნად ისახავს გონების დამშვიდებასა და სხეულის აღდგენას.
სცადეთ რამდენიმე სტილი, რათა იპოვოთ ის, რაც ყველაზე მეტად მოგწონთ და შეესაბამება თქვენს მიზნებსა და ენერგიის დონეს. მთავარია, იპოვოთ ისეთი პრაქტიკა, რომელიც სიამოვნებას მოგანიჭებთ და გაკვეთილებზე რეგულარულად სიარულის მოტივაციას მოგცემთ.
- სტრესის შემცირება და შფოთვის მოხსნა:
იოგა ამშვიდებს ნერვულ სისტემას, რაც გვეხმარება სტრესის ჰორმონების შემცირებაში. - კონცენტრაციისა და მეხსიერების გაუმჯობესება:
მედიტაცია და სუნთქვაზე დაკვირვება ზრდის გონებრივ სიცხადეს. - ძილის გაუმჯობესება:
იოგას ასანები ხელს უწყობს მოდუნებას და ღრმა, მშვიდ ძილს. - თვითშეგნების ამაღლება:
იოგა გასწავლით თვითდაკვირვებას, თქვენი სხეულისა და გონების სიგნალების მოსმენას, რაც ზრდის თვითშემეცნებას.
