NinYoga

ნინიოგაში გელოდება სივრცე, სადაც შეგიძლია შეანელო ყოველდღიური ტემპი, მოუსმინო საკუთარ თავს და იპოვო შენთვის შესაფერისი პრაქტიკა. თავი იგრძნო მშვიდად და დაცულად. არ არის აუცილებელი იყო მოქნილი, ძლიერი ან გამოცდილი — საკმარისია სურვილი, დაიწყო.
ნინიოგა ტრადიციული აშტანგა იოგას სტუდიაა, სადაც შრი კ. პათჰაბი ჯოისის მიერ გადაცემული აშტანგა იოგა ისწავლება მაისორისა და ლედ კლასის ფორმით.
მაისორის სტილი აშტანგა იოგას სწავლების ტრადიციული ფორმაა, რომელიც ინდოეთის ქალაქ მაისორში ჩამოყალიბდა, სადაც შრი კ. პათჰაბი ჯოისი ასწავლიდა “კვლევით ინსტიტუტში”, რომელიც იყო პირველი აშტანგა იოგას სკოლა.
ამ კლასში თითოეული მოსწავლე საკუთარ რიტმში, შესაძლებლობებისა და გამოცდილების შესაბამისად ვარჯიშობს. მასწავლებელი კი ინდივიდუალურად ეხმარება თანმიმდევრობის ათვისებასა და ეტაპობრივ განვითარებაში. მუდმივად ერთი და იგივეს გამეორების დისციპლინა ავითარებს მოთმინებას, გამძლეობას, კონცენტრირებას, ძალას და კიდევ ბევრ სხვა უნარებს.
ლედ კლასზე პირველი სერია ჯგუფურად, ერთიანი რიტმითა და მასწავლებლის მიერ ვინიასების ვერბალური დათვლით სრულდება. საერთო ტემპი, სუნთქვისა და მოძრაობის სინქრონულობა ქმნის კონცენტრირებულ და ენერგიულ პრაქტიკას, რომელშიც თითოეული მონაწილე საერთო დინების ნაწილია.
აშტანგა იოგას კლასებს ხელმძღვანელობს ნინო იაშვილი.

გვაქვს სხვა ჯგუფებიც:
სთირა ფლოუ - დინამიკური პრაქტიკაა და აშტანგა იოგას სქემაზეა აგებული, რომელიც სხეულის სტაბილურობასა და მოძრაობის სიმსუბუქეს აერთიანებს. ეს არის პრაქტიკა, სადაც ძალა და სიმსუბუქე ერთმანეთს ხვდება, მოძრაობა კი ყურადღებისა და შინაგანი წონასწორობის გამოცდილებად იქცევა. აშტანგასგან განსხვავებით აქ ხშირად იცვლება ასანების თანმიმდევრობა და უფრო თავისუფალია.
სთირა ფლოუს კლასებს ხელმძღვანელობენ იზა ვაშაკიძე და ნინო მეტრეველი.

პრენატალური იოგა მომავალი დედებისთვის შექმნილი პრაქტიკაა, რომელიც მოიცავს ორსულობის პერიოდზე მორგებულ მოძრაობებსა და ასანებს. პრაქტიკა ხელს უწყობს სხეულთან კავშირის შენარჩუნებას, ფიზიკურ კომფორტსა და ემოციურ კეთილდღეობას, ასევე ეხმარება მომავალ დედას მშობიარობისთვის მომზადებაში. ვარჯიშის დაწყება შესაძლებელია ორსულობის მე-13 კვირიდან.

პოსტნატალური იოგა ახალბედა დედებისთვის შექმნილი პრაქტიკაა, რომელიც მშობიარობის შემდგომ პერიოდში სხეულის თანდათანობით აღდგენასა და ემოციურ კეთილდღეობას ემსახურება. პრაქტიკის დაწყების დრო ინდივიდუალურია და განისაზღვრება მშობიარობის მიმდინარეობის, აღდგენის პროცესისა და ექიმის რეკომენდაციის გათვალისწინებით; ხშირად ეს პერიოდი მშობიარობიდან 8–10 კვირას მოიცავს.
ორენატალური და პოსტნატალური იოგას კლასებს ხელძღვანელობენ ნინო იაშვილი და იზა ვაშაკიძე.